قصيدة اتمنا ان تنال اعجااااابكم

ألا يادمعة الذكرى وحلم ٍ في ضفاف الشرق=وألا ياليل يسري بي من الضفّه ليا الضفّه

وأنا تايه بخطواتي وأخايل لا لمع لي برق=ولاني عارف الوجهه واعاني قسوه الدفّه

وموجك ياقدر ظالم وخدّي من دموعي غرق=وتايه في وسط موج ٍ ومن لفّه ليا لفّه

سكن همّي وسط صدري ومن جوره جذبت الطرق=هموم العالم بكفّه وهمّي والله بكفّه

أيا كف الحزن بأشكي وأناجي نايحات الورق=أبشكي طعنه الخنجر وحظ ٍ شح بي كفّه

وألا ياكف علّمني وانا جالي براس العرق=علام الحظ يبحر بي ونوده مخطيه شفّه

يطول الوقت أو يقصر وحظّي مابدابه فرق=رماد الوقت يدفني وعيني صابها رفّه

برفّت عيني اليسرى دريت ان العمر يسرق=واذا أيام العمر ولّت محال اترّجع بدفّه

وأنا ياكفي أعياني على باب الحظوظ الطرق=ودمعي جارح ٍ خدّي وعيني عجزت اتكفّه

نوى حظّي يبعثرني ونزلت دمعتين ٍ زرق=وحلفت آآبعثره وأفنيه وأرثي فيه وآآلفّه

وألا ياكف علمني وانا عجل ٍ وطبعي حرق=اش الحيله على المخطي وكل ٍ واقف بصفّه

بلا شك السكوت أرحم ولكناا الغبينه حرق=وعزّه نفسي العليا تعزيني مع العفّه

وألا يانود هبّي بي من أقصاها بحور الشرق=عسى موج الدموع يحد من ملحه على الشفّه

القصيده لابن عمي وتستاهلون وابشروا بالخير اهداء لكل من في المنتدى من اعضاء وزوار

صح لسااانك ولساانه
يعطييك العاافيه